ما تسجل وتفضها علمود تكلب براحتك بالمنتدى 
من طرف طائرة الحب 2009-08-16, 12:43 pmجمالك مشــــــــكلة
شوصف بيك گلي بيا كتر تنشاف
وإذا صدگ أوصفك يمكن أتخبل
يمكن أنت يوسف وأحله منه هواي
جمالك مشكله وكلش صعب تنحل
ضعت مابين أحبك لو أوصف البيك
تهت وعيوني ما ظنها بعد تندل
بعيونك بحر واسراره تدري هواي
بجرف شاطيه غرگن سفن بالأكمل
شجاني تورطت وياك گلي شلون
منصير اگبال عينك ابگه اتململ
بيك بلا غرور الناس كلها تصيح
جمالك قمه والحلوين بالأسفل
كل محتل لرضنه نقاومه بسلاح
بس يمك تذوب الأسلحه وتنذل
صاروخ البعينك أقوى من كورز
وبصدرك مدافع گلي شنهو الحل
خصرك مو خصر معضد زند بلقيس
والي يشوف طولك بان لا أعدل
ورد الجوري دنگ خجل من مريت
لأن عطرك سحر كل ساعه يتبدل
ردت أقفل عيوني وما أشوفك يوم
لنها تصــــــــيح بيه بيمن أتكحل
ياسلوة حياتي والزمن والروح
حتى الموت لو منك يجي أقبل
@@@@@@@@@@@
للامانه منقول
