من طرف عـــــــــــــــــــــــــــــراق
عراق واسمك هيبه وهويه , نتفاخر بيه ونعزز مكانتنه. ارجع ولمنه بوسط حضنك ترا برد الشته
موتنه.
دجله ميه بعد مايروي, بس من ايدك يرتوي عطشنه انت القلب والروح ومن دونك عمرنا ما
يسوه.
عراق يابو الحضارات والخير كله , مجدك وتاريخك صعب ينال
منه , ولا احد يكدر يوصل يمــــــــــــــــــــــــه
بيك من خيرات الخالق من كل نوع , ما تشتيه العين وتتمنه
.
سبحان الخالق
العزيز , خلقك جنكـ وصله من جنته
بس محد كدر يحكمك عدل ولا كدر يكون عادل بحكمه
يا هو الاجه وحط ايدك عليك كام يبوكك , وما يدور بس
مصلحته.
كل هذا الخير البيك وربك صورك باحلى صوره ورسمك باروع
فنه
بس ارضك للاسف دوم ارض الحرب والفتنه . مثل الي يسوي خير
ويجي بحجايه وحده ,يحرقه.
يا ابو البساتين والاهوار
هيج صفت نهايتنه , صرنهمكروهين من الجيران, والكل سد بابه بوجهنه
نسوا فضلك عليهم شلون جان , مو جانو اذا ينخوك مثل الاسد
تروح وما يهمك نهايته
من نخوك العرب يوم الجولان , قدمت ارواح ابطالك الهم
فدوه
ومن صاحت فلسطين "واااا معتصما" صرت مثل الصقر
ونزلت ع عدوه
وحاربت عدوهم ورجعت منصور, وتاليه حتى كلمة شكر ما حصلنه
وهاي الاردن الي صارت بعزك وخيرك ولولاك جان محد عرفه
هسه صار العــــراقي ما مرغوب ,لكم كاعكم شبعت وارتوت من
دم ولدنه
ذيج مقابر الجيشنه الي بارضكم مدفون, نصب دبابتنه
بعده يشهدنه.
هسه صرنه اغراب ومندخل ال اي بلد الا بفيزه مختومه ع
,جوازتنه.
من عمت عين
الوكت, شلون دار, وشلون صفت نهايتنه
الي خله تاج العرب ينهان, ومحد اعترف بينه وبعراقيتنه
بس الا ما الزمن يرجع مثل ما جان ,ونرجع احنا مثل ما جنه
شيوخ العرب وتاج ع راس ويرجعون يتوسلون بينه ويدكون
ابابنه
بس وكته ما اريدك تراف عليهم ,لا هينهم وعرفهم بمكانتنه
بعد لا تفتح احضانك الهم ,بره الوطن اطردهم و خليهم
يحلمون بترابنه
زعوا بيك الحرب وسعوا بالخراب ,وخلو بين ولدك تشب حرب
الفتنه
خلوا بينهم كلمة سنه وشيعه , وللاسف البعض من عدنه صدكه.
اجوي وخلوا جماعه تتبع ملت علي الكرار, ابو الحسنين--
اسياد شباب الجنه
وجماعه تتبع ملت عمر بن الخطاب --الفاروق بحكمه وعدله
لكم كلهم اجدودننا ونتفاخر بيهم
همه الي صنعوا الاسلام وفوق العالم كله رفعوا رايتنه...
عرفوا الاجانب شنو يعني الاسلام , وخلوهم يحسبوله الالف
احساب
وكلهم يهابوه ويخافون يجون
يــمــــــــــــــــــــــــــــــــــــــــــــــــــه.
لكم هاي الفتنه من شغل الاحتلال شوكت تفتهمون والله مو
تعبت اصواتنه....
خلي نتوحد ونوكف بصف واحد ونضرب بيد وحده
عدونـــــــــــــــــــــه....
لا تخلوا للحقد بقلبكم مكان خلوا للصلح بينكم يرجع يا
اهلنه ...انتوا شفتوا من الحرب شصار ومن عده شحصلنه
الكل اتهجرت من بيوته ومناطقه , وعافت المكان الربت بيه
,وكضت بيه سنين عمرهه
وفاركت غوالي من وراها ونزرعت الحرقه بكلوبنه
والكل صار عده شهيد لو اثنين واكو ناس صار عدهم عشره
بس اذا بقينه انكول لازم ناخذ بثار ونكتل بدال الي راحو
ميه
مراح تخلص هاي الحرب وتبقى ويانه وميصفه العراق ابد ومحد
من عدنه راح يحصله
ويبقى العراق لامريكا وتبقى عايشه بنعمتنه وبخيرنه..
خلينه من يم ابو حنيفه نطبخ بعاشور , وباربعينية الامام
يم عبد القادر نوزع هريستنه...
ويرجع الكاظم ابو الجوادين مثل ما جان , كل الطوائف
تزورا وتتبارك بشورته وبخته...
ننسى الكتل والموت ,ننسى كلمة مناطق
ساخــــــــــــــــــــــــــــــــــــــــنه
كل المناطق لكل العراقين ماكو بعد منطقة شيعه وذيج تابعه
لسنه
كل المناطق مناطق بغداد , وكل المحافظات محافظتنه
وكلها تابعه الاسم العراق هو ابونه الشايل اسمنه و
هويتنه
عدل سابقا من قبل MEDO في 2009-08-15, 6:33 pm عدل 2 مرات
