من طرف ندعي سوه و احنه بهل الشدة
ربي كل باب حزن مفتوح رده
و كل تدفق دم يا ربي سده
و كافي ياموت سيفك كاعد اتحده
مو صبرنا بصبر ايوب و جده
و صبرنه سنين تره وصل حده
مد يا فرح شوي فراشك مده
شو امكطع اخيوطك وجم عكدة و عكدة
اخ شكد جثث بعد تحملين يا سده
و شكد يا فرات شوكك لدجله
حزني جبير و ما واصل حزن كده
و اذا في يوم الدمع نكر خده
و اذا في يوم البحر نكر مده
و اذا في يوم الشتا نكر برده
و الصيف صار الثلج عنده
ما انسى العراق و لا انسى شمته
&&&***&&&***&&&***&&&
عراقي اني
وظالمني زماني
ووين ما اروح يبقى العراق بوجداني
عشق العراق يجري بشرياني
وثوب الغربه ما لايكلي ولا الغرب عنواني
بعدك يا عراق ما اريد وطن ثاني
وارجعلك بيوم حتى لو شايلني دفاني
&&&***&&&***&&&***&&&***&&&
بغداد
هليلة تمنيتج تمريلي
بغداد يا جرح القلب وينج درجعليلي
حنيت لترابــج انا و الفركة تجويني
والشوك ذكرني بوكت جنتــــي تحضنيني
تذكرين يا شدة ورد بلونــج سحرتيني
ذبلان الورد وزعلانة يا عيني بغداد يا شمعة انطفت بالظلمة عفتيني
وظليت تايه انا .. ياهو اليدليني ؟؟
مع التحيات
امبراطور زماني
mohamedhaem88@yahoo.com
